احسن طريقة تفرزى بيها البسلة بدون مية ساقعة ولا سكر

قدمها لكم ✍🏻: حبيبة ياسين
الطريقة:
هنفصص البسلة ونغسلها كويس جدا هنجيب حلة فيها كمية مية بسيطة مش كتير عشان الخضار هينزل مية المية هتغلى ننزل بالبسلة هنقلبها ولونها هيتغير ننزل بالجزر يغلو غلوة واحدة بس
نطفى عليها ونتركها تبرد وكل شوية نقلبها عشان البخار ميسويهاش جامد وتتهرى أو نفضيها فى حاجة واسعة لحد ما تبرد تماما
هنجيب الأكياس ونضيف الكمية اللى محتاجنها ونضيف كمية من المية اللى سلقناها فيها جوا الكيس اوعوا ترموا المية دى بتبقى مسكرة وجميلة وفيها الفائدة بتاعت الخضار وتدخلها الفريزر بتفضل سنة واكتر زى ما هى ولونها اخضر وجميل وكأنها طازة
تجربة سنين كتييير