رجل الأعمال ” رضا شعيب ” معرض تراثنا توج وأستحق زيارة الرئيس وهذا ما أفزع البعض

يا تري سياده الرئيس بيبص علي ايه بتركيز كده ببساطه شديده بيبص علي فاترينه عاملها شاب اسمه ايمن راجح و المكتبه اللي خلف سياده المحافظ عملها عزمي حباطه Azmy Habata
و اللي جنب كوع الحاج ياسر سكرتاريه اعتقد لعزمي ايضا و عشان كده روحنا هناك من غير احنا ما نعرض حاجه انما لخاطر الناس علي نفقاتنا مش علي حساب الدوله و بعدين الامور مشيت كالاتي :
اولا : هذا المعرض مدفوع القيمه مش من المعارض المجانيه
ثانيا : تم اتاحه الفرصه للصناع من داخل و خارج مدينه الاثاث
ثالثا : الجناح مقسوم جزئين الجزء الامامي (اثناء الزياره) مخصص لمدينه الاثاث الجزء التالي مخصص لصناع دمياط
رابعا : قول المحافظ ان المنتجات من صناعه مدينه الاثاث المقصود بها الجزء الامامي قبل الحاجز (تامر سلامه / عزمي حباطه/ ايمن راجح واخرين (راجعوا الفيديو)
خامسا : قول المحافظ عن عدد الورش دي احصائيه رسميه بناء علي عدادات الكهرباء و الورش اللي بتفتح حتي لو يوم واحد انما مش دورها تتاكد انك فاتح طول اليوم كل يوم
سادسا: هي الناس اللي خارج المدينه زعلانه من الرقم اللي المحافظ قالته ليه هو الرقم ده بيخالف رقم تاني حد كان بيستخدمه لاهداف معينه ؟؟؟؟
سابعا: الفيديو الخاص بياسر العوضي هو بيقول بلسانه علي الجزء الامامي صناعه المدينه و المصور جايب لقطات من جناح الغرفه التجاريه طيب ده ياسر العوضي مش يوسف شاهين ملوش دعوه بالاخراج
ثامنا : مين اللي قال كله تمام ؟؟ومين اللي قال مفيش مشاكل؟؟؟افتتاح المشروعات حاجه و المعارض و الحفلات حاجه تانيه خالص
تاسعا : هو في ايه و ليه الصراع ده و ليه الحرب دي اي واحد الحدث ده ضايقه لازم يلحق بسرعه و يعدل افكاره ناس علي نفقتهم الخاصه عملوا معرض لناس و نقلوا حاجتهم و عملوا كل ما يمكن عمله
كل الشكر و التقدير و التحيه لكل واحد شارك في العمل ده
كل الشكر لدكتور منال عوض محافظ دمياط الاستاذ بالجامعه و نائب محافظ الجيزه و ما ادراك ما الجيزه بس خلي بالك هي محافظ مش سمسار موبليا بتنفذ سياسه الدوله و بتشتغل في ملف الصناعه بس المشكله ان كل الناس عاوزين يشتغلوا في ملف الصناعه
وقبل الجميع كل الشكر للسيد الرئيس عبد الفتاح السيسي علي اهتمامه و ان شاء الله زيارات جديده و اعوام مديده
انا اعلم ان المعرض توج و استحق زياره الرئيس و هو ما افزع البعض