موقع وشبكة دمياط آخر ساعة الإخبارية مصداقية حيادية موضوعية
حوار : رحمة إسماعيل
الموهبة نعمة من الله عز وجل على عبادة لكن هناك من يهتم بيها و يطورها ليصل إلى أفضل مما يمكن و من يتركها حتى تنتهى موهبتنا اليوم زهرة فى بستان مواهب محافظتنا أعطها الله موهبة فعملت عليها و طورتها حتى تنورعت مجالتها بين الفحم و الملح وطبيعة صامتة وبورتيهات فهى بنت مدينة السحر والجمال التى تأثرت بسحرها و اثرت فيها فأخرت لنا من الطبيعة جميلة فنانة تحلم أن تكون ضمن صفوف الفنانين و المشاهير فى عالم الرسم
فى بداية الحوار نتمنى أن تعرفينا بنفسك؟
أنا اسراء محمد انور عبد السلام أبلغ من العمر 17 سنة أسكن فى مدينة رأس البر التابعة لمحافظة دمياط
في أي مرحله دراسيه انت وما المدرسه التي تنتمي اليها ؟
أنا فى المرحلة الثانوية فى الصف الثالث الثانوى شعبة علمى رياضة فى مدرسة الخياطة الثانوية المشتركة
كيف اتعلمتي الرسم و أين ؟
من وانا عندي ١٠ سنين كنت بحب ارسم اي حاجه قدامي كنت بجيب حاجات واحطها قدامي وارسمها واللي عرفت بعد كده ان ده فن اسمه (طبيعة صامتة)و بعد كده بدأت اتابع مع مدرس المدرسة وحاولت اتطور من رسمي بنفسي من غير اي كورسات اتفرجت علي فيديوهات ورسمت كتير لحد ما اتطورت خطوة بخطوة
ماهي انواع رسوماتك ؟
برسم طبيعة صامتة وبورتريه بالرصاص وبالفحم وبالالوان الخشب وبالوان زيتية وتكنيك negative بيكون عبارة عن ورق كانسون اسود برسم عليه بقلم فحم ابيض ومناظر طبيعية وبالملح كلمينا عن الرسم بالملح ؟ بالنسبة للملح هو فن عرفناه من فنانين عالميين وهو بيكون علي خلفية غامقة.. انا لما شوفت الفكرة عجبتني وخصوصا انها مش منتشرة ولاني بحب اجرب فجربت اول رسمة كانت للجوكر واستخدمت مع الملح كاتشب والحمد لله نجحت الناس انبهروا بيها جربت تاني رسمة كانت لشخصية كارتونية ااما التالتة فكانت بورتريه لمارلين مونرو
من يقوم بتشجيعك علي الرسم ؟
أسرتى فهم خير داعم ليا و هم من يشجعونى دائما
هل شاركتي في مسابقات من قبل ؟
في المدرسه..وفي مهرجان السنه الي فاتت رسم علي الاسفلت وتم تكريمي
هل قومتي بعمل معرض لعرض رسوماتك؟
لا
هل يوجد اهتمام بفنك من جانب المدرسه ؟
اه استاذي (ناجح بصل )دايما بيعطيلي تعليمات وبيشجعني ولما بيجي مسابقات علي مستوي المحافظة او الجمهورية بيعرضها عليا وبيقترح عليا اشارك فيها
من هو الاب الروحي لكِ؟
اخى هو الأب الروحى دائما ما يكون ليا داعم و مشرف على أعمالى
ماهي نظرتك للمجال الفني بدمياط ؟
شايفة ان المجال الفني مش واخد حقه ف دمياط اقل حاجه اني مش بلاقي ادوات الرسم بسهولة
ماهو حلمك ؟
حلمي ادخل كلية فنون تطبيقية وابقي فنانة تشكيلية و افتح معرض خاص بيا باسمي عشان اشارك الناس موهبتي
هل سبق ليكي المشاركه في قصر الثقافه؟
لا
ماذا تحبي ان توجهي للمسئولين ؟
أحب أن اوجهم لهم أن مجال فنى بشكل عام و الرسم بشكل خاص يحتاج الإهتمام بكل الأشكال و كل المقاييس
فهناك عدد كبير من الفنانين المغمورين الغير معرفين بمعنى الكلمة لأنهم لا يجدون من يشجع او من يحفز او مكان يحتضنهم .
بعض أعمال الفنانة
فنانة بجد ❤