خبر هام في أقوى التحقيقات التى تمس المجتمع المصرى “قانون الرؤية” يفشل في إنقاذ الأطفال من “عناد المطلقين”

بعدما أشارت الدراسات إلى ارتفاع حالات الطلاق …وقوع 200 ألف حالة طلاق خلال العام ما يعادل 22.6 حالة طلاق كل ساعة تقريبا وهو ما يعني حالة طلاق كل 3.8 دقيقة. والمشاكل النفسية التى يكون ضحيتها الأبناء

قررنا أن نلقى الضوء على تعديلات قانون الأحوال الشخصية المقدم من النائبة سهير الحادى… ضد المرأة …والذى يؤدى للتشتت النفسى للأبناء
حيث إن مشروع القانون المقدم يتضمن تعديل المادة 20 التى تنظم أحكام الرؤية، فقد تضمن مشروع القانون المقدم استبدال لفظ الاستضافة بدلا من لفظ الرؤية، مع إضافة فقرة جديدة فى نهاية المادة تعاقب غير الحاضن إذا امتنع عن تسليم الطفل لمن له الحق فى الحضانة بعد انتهاء مدة الاستضافة؛ بالإضافة أن المشروع يستهدف ايضا تعديل الحضانة من الأم إذا تزوجت ونقلها إلى الأب وليس إلى أم زوجة وهو حكم لم يرد مطلقا وفى أى وقت فى مشروع القانون على حد قولها ؛ وهى نفس تعديلات التى يطالب بها حزب الوفد ؛ وحملة تمرد للرجال ضد قانون الأحوال الشخصية ، هذا تعديلات ضد الشرع والانسانية والمرأة . تأكد الحملة أن تحويل من الرؤية إلى الاستضافة سيكون الأكثر ضررا على الأطفال ، حيث أن أغلبية حالات الطلق تكون نتيجة مشاكل بين الزوجين قبل الإنفصال مابين عدم انفاق الأب على أبنائه أو سلوكيات سيئة للاب منها إدمان الأب للمخدرات أو شاذة جنسية ولدينا فى الحملة أريد حلا هذه الحالات ؛ بالتالي هذا الأب غير أمين على أبنائه ؛ بالإضافة استضافة الأب أبنائه يومين اسبوعية وفى اجازة نصف العام الدراسي اسبوع وشهر فى اجازة نهاية العام ، بجانب أجازات الاعياد بتساوي فى ايام بين الأم والأب كما هومذكور فى مذكرة تعديلات المقدمة من النائبة ، تخلق نوع من التشتت النفسي …
ان الهدف من تقليل سن الحضانة إلى 7 سنوات ….ماهو الا قهر ضد المرأة حرمان الأم من أبنائها فى سن مبكرة وسقوط كل حقوقها فى شقة الحضانة والنفقة التى تذهب الى الأب وهذا هو الهدف لدى الرجال المطالبة تقليل سنة الحضانة لإسقاط كل حقوق المرأة فى الشقة الحضانة والنفقة . بالاضافة أن النائبة سهير الحادى تحكم على المرأة انها فى حالة تزوج امرأة اخرة تذهب الحضانة الى الأب وليس أم الأم …كما قال الشرع وأيضا فى قانون الأحوال الشخصية القائم ، بالتالي النائبة تطالب من سيدات مصر التى تنتهى حياتهم الزواجية الأولى… العيش بدون زواج مرة اخرى فى مقابل تعطى الحق للاب حرية الزواج مرة اخرى وأيضا الحضانة سواء فى حالة تقليل سن الحضانة أو فى حالة زواج الأم هل هذا هو شرع الله …. هل هذا العدل للمرأة أن تحرم الأم من أبنائها ومن كل حقوقها كامرأة من حقها فى العيش كإنسانه الحق الذى إعطاه لها الله . فكان على النائبة تقديم تعديلات قانون الأحوال الشخصية فى النفقة حيث أن الأم تجلس أمام باب المحاكم للسنوات حتى تحصل على نفقة قيمتها 300 جنيها ، وهناك مشاكل اخرى مثل احتجاز الأطفال والولاية التعليمية اذا كانت ترغب فعلا فى حماية الابناء والمجتمع كما تتدعي .
وتغافلت القهر والظلم والمعاناة التى تعانيها المرأة بعد الطلاق وكذلك الأبناء من تشتت نفسى وأرادت أن تزيد من قوة وجبروت الرجل
حيث أشارت الدراسات إلى وقوع 200 ألف حالة طلاق خلال العام ما يعادل 22.6 حالة طلاق كل ساعة تقريبا وهو ما يعني حالة طلاق كل 3.8 دقيقة.
وعندما أعلنت اللجنة التشريعية بمجلس النواب، بدء تلقي المقترحات والتعليقات الخاصة بقوانين الأحوال الشخصية. وناشدت كافة الجهات والمؤسسات، ومنظمات المجتمع المدني، والأفراد المتخصصين والباحثين فى مجال قوانين الأحوال الشخصية إرسال هذه المقترحات والتعليقات عبر البريد الإلكتروني، تمهيدا لدراستها وتحليلها وإعداد دراسة مقارنة بهدف إعداد مشروع قانون متكامل للأحوال الشخصية. من ناحية أخرى كانت حملة “أريد حلا”، من ضمن الجهات التي أعدت مقترحات لتعديل قانون الأحوال الشخصية. وتقول نجلاء شابون، منسقة حملة “أريد حلا” لتعديل قانون الأحوال الشخصية، وأمينة المرأة في الحزب العربي الناصري، أرى أن بعض المقترحات المقدمة من قبل بعض الجهات ضد المرأة، ومنصفة ، ومفصلة للرجل، مثل مقترح حزب الوفد الذى يطالب بتخفيض سن الحضانة إلى 7 سنوات للولد، و9 للبنت، ومقترح النائبة سهير الحادي، يطالب بالاستضافة لغير الحاضن، وأن المرأة في حالة زواجها، تذهب الحضانة للأب، وليس أم الأم، وهذا مخالف للشريعة”. وتضيف، شابون:” لكننا نرفض الاستضافة، لأنه نوع من الضغط على الأم بالأولاد، ففي حالة الرؤية الرجال لا تذهب، وتتهم الأم أنها هي التي امتنعت عن الحضور، فتعانى الكثير من السيدات من احتجاز أطفالهن، والأم تملك أحكاما لكنها للأسف لا تستطيع تنفيذها، لأن هناك ثغرات كثيرة في القانون، تجعل التنفيذ صعبا، فالأطفال تأخذ في حالة الرؤية، أومن أمام المدارس، ولا نستطيع استردادهم مرة أخرى، بسبب عدم القدرة على التنفيذ”. وتابعت: “لا يوجد أحكام تنص على ذلك، ما دفعنا إلى تقديم مقترح، يطالب بتنفيذ هذه الأحكام لاسترداد الطفل، ونطالب بدعوة عقوبة الحبس مدة لا تتجاوز عن سنة، في حالة عدم تسليم الصغير في خلال 30 يومًا من محتجزي الصغير، ويتم وقف تنفيذ العقوبة حال تسليمه”. وأضافت: “هناك أحكام نفقة تكون 200 أو 300 جنيه، ولا تنفذ لأن الرجال يقدمون ما يثبت أنهم لا يعملون وغيرها من الثغرات، لذا نطالب في مقترح مشروع الحملة بحد أدنى للنفقة المرأة 1500 جنيه”. وأوضحت: “أيضا نطالب بالولاية التعليمية تكون مع الأم، ولكن هم يطالبون أن تكون مع الأب، وهذا لا يصح لأن الحضانة تكون مع الأم، وهذا من أنواع الضغط على الأم”. وتضيف: “قدمت مقترح مشروع الحملة الخاص بالأحوال الشخصية، إلى الدكتورة آمنة نصير، حيث قامت بدعوتي في مجلس النواب، وطالبت من خلال المقترح الخاص بضرورة وجود حد ادنى للنفقات، حتى إذا اعترض الزوج، اقترحنا إنشاء صندوق الأسرة يمول من طوابع البريد، أو الدمغة أو الأموال التي تدفع في شهادات الزواج، أو الطلاق، تذهب إلى صندوق الأسرة”. وأشارت: “قدمنا 30 بندا في مقترح، منهم إنشاء شرطة أسرية تساعد المرأة في تنفيذ الأحكام الخاصة بها، حيث نص على استحداث إدارة لتنفيذ أحكام الأسرة على أن تتولى تنفيذ جميع الأحكام بما فيها أحكام الحبس، وأن يكون في تكوينها عناصر من الشرطة النسائية، حتى يكون من السهل التعامل في حالات العنف والضرب الموجه للنساء من قبل الزوج، أو إمكانية التدخل وحل المشكلة قبل الطلاق، فهي تساعد في تقليل نسبة الطلاق قبل حدوثه”.
وكان لخبر هام دور في مناقشة هذا الموضوع الذى يهم المجتمع المصرى
صرخة من قلب ام يحترق ..نفسي أشوف ابنى .. اسمي نسرين ٣٨ سنة تزوجت ٢/٢٠١٥ وفي ٣/٢٠١٦ كان معايا نور عيني “مصطفى” ابني اللي اتحرمت منه بقالي سنة واخدت حكم من المحامي العام ونزلت تنفيذ ٦مرات وفي كل مرة اهل جوزي بيرشو المحضرين وبيبلغوهم قبل مانطلع وحماتي بتكون موجودة بالولد وقافلة الباب ومابتفتحش اتبهدلت ودخت ومفيش حد قالي على حاجة او حد ممكن يساعدني في التنفيذ ومارحتلوش وفي النهاية ناس من المحكمة ومن القسم نفسه قالولي لو مالكيش حد في الداخلية مش هاتشوفي ابنك والحكم ده مالوش لازمة اعمل ايه اروح لمين حاليا بدور على سكة لرئاسة الجمهورية عشان اقدم شكوة خايفة اموت وماشوفش ابنى ارجو من سيادة وزير الداخلية الالتفات لادارة تنفيذ الاحكام ومحاسبتها على تقصيرها الشديد في اداء دورها إمضاء ام مع ايقاف التنفيذ.
وتقول أخرى… ناس ولاد حلال قالولي احنا شفنا بنتك مع ناس ف مكان ما وبعتولي العنوان ورحت الشارع دا لفيته من أوله لأخره تقريبا ٣ساعات عشان اوصل لاسم الراجل اللي البنت عنده وشغال امين شرطه .. الحكايه نفس حكايتي بظبط طفله ٦شهور ابوها وداها للناس دي عشان فى خلافات مع مراته والناس دي حاجه كدا استغفر الله العظيم طلعت البيت كنت بموت يقولولي امشي من هنا عشان منعملش معاكي الغلط …طبعا انا لو كنت هموت مكاني مكنتش هتحرك من مكاني الراجل دا اللي هو امين شرطه ومخبي بنت عنده عمرها ٦شهور الشارع كله بيترعب منه قبل لما اطلع البيت واشوف الاشكال اللي كانوا هيموتوني انا واختي روحت القسم اللي تابع للمنطقه اللي روحتها راحه منهاره لرئيس المباحث بقوله بنتي قاعده فى العنوان دا ومعرفش عنها شئ بقالي ٤ شهور…. ماسك التليفون بيلعب ويقولي روحي اعملي محضر وهاتي ضبط واحضار يعني من الاخر هو انتي بنت مين فى مصر عشان اطلع معاك قوه تجيبلك بنتك اللي ماشوفتيهاش بقالك اربع شهور خدت بعضي وقولت اتعامل انا وبظروفها اتاكدت ان فيه طفله فعلا فى البيت دا اتصلت بنجده قالولي روحي اعملي محضر الاول قفلت السكه روحت طالعه وشباب حكاتلهم الحكايه اتعاطفوا معايا وطلعوا للناس اللي مخبين طفله عندهم وكنا فعلا هنموت لولا الرجاله اللي حلفوا اني مش همشي غير لما اخد بنتي والشارع كله اتفرج ع الناس دول خافوا ونزلوا البنت للاسف طلعت مش بنتي ..والله واعلم ايه حكايتها بشكر شباب بلدي اللي لسه فيها رجاله وجدعان وناس احسن من مليون قسم شرطه وبشكر المستشار عصام ع وقفته معايا ووجوده جانبي السؤال هنا هي الحكومه قاعده بتعمل ايه ؟ وهل لو فيه بنت تايهه او مخطوفه بنت حد في الدوله هيكونوا بنفس البرود اللي بيعاملوا الشعب بيه دا … حسبي الله ونعم الوكيل يارب بحق ايامك المفترجه وشهرك الكريم تنتقم من كل حد قاعد على مكتبه ومبيشوفش مصلحه الشعب ويشوف المرار في عياله عشان يحسوا بناااس
وتلتقت أطراف الحديث أم مقهورة أخري
مهما أقول او احكى عن القهره اللى اتقهرتها وإحساس الذل اللى حسيته لما سافرت الكويت عشان اجيب ابنى وملقيتوش مافيش ولا اى كلام يوصفه بعد جرى السنين دى كلها وحلمى ان أوصل للمرحله اللى يبقى معايا فيها ورقه رسميه خالصه مخلصه كده بتقول تعالى استلمى ابنك وأروح وملقهوش لما أبقى طول الطريق وانا رايحه القسم هناك بحلم باللحظة اللى ابنى هايدخل عليا فيها ويشوفنى واشوفه بعد السنين دى كلها وبعدين يجى الظابط بمنتهى القسوة يخبطنى مش فوق دماغى بقا لا ده على قلبى ويقولى ابنك مش هنا ومش مع ابوه ومانقدرش نعملك حاجه طب والحكم يافندم والورق اللى قدامك لا ماهو ابوه معاه حكم حضانه لأخته طب ماانا استأنفته وأتحكم ليا انا والورق اللى معاه كأن لم يكن انا اللى فاتحه ملف تنفيذ زى ماقدامك انا امه لا مالناش فيه ليه عشان اتصل على مين وكلمك بتجامله على حسابى وحساب ابنى لا عيب احنا بنفذ القانون اتفضل اسفين على إزعاجك ده بيقول لطليقى كده انتى خليكى معانا شويه…
وتقول أم نظرها راح من البكاء على ابنها
انا ام وفى خلافات بينى وبين طليقى من سنين وابنى ده له اختين من الاب من الزوجه الاولى ومتوفيه والاخت الكبرى مطلقه ولديها ولد اصغر من احمد بسنتين هما سبب النزاع والخلافات بسبب انهم عاقبوا والدهم انه تزوج وانجب وانا ام ابنه الوحيد بدأت الخطط والتدخل ف حياتى للتفرقه بينى وبين زوجى وبالفعل حصل وجعلوا ابيهم ياخذ الولد منى وهو بيضرب ببدله الكارتيه ف ساحه القوات المسلحه العام الماضى يوم 2/7/2016 يوم 27 رمضان وبدات التهديدات والشتائم بينهم وبينى وازواجهم مع العلم ان زوج الصغرى دكتور تجميل اسمه وليد الجبالى ف الاسكندريه عنده مركز تجميل بجوار سانستيفانو … ربنا اراد لى ان ااخذ القرارات من الساده القضاه دون جدوى سعيت لجميع ابواب الداخليه دون جدوى ومنعوا الاتصال بينى وبين ابنى والعام الدراسى راح عليه واى مناسبه قلبى يتعصر فيها …هددونى لكى اتنازل اما مش اشوف ابنى نهائى …..يا احمد ماما بتحبك اووووى وهما اللى بعدينك عنى وانا زى مكانى ف شقه الاسماعيليه ومدرستك زى ما هى وانا عملت المستحيل عشان اخليك تمتحن وتحضر الدور الثانى ف يوم 9/7/2017 لحد 13/7/2017 متسمعش كلامهم يا احمد كرههم ليا بيوضعوه فيك ويكرهوك فيا حسبنا الله ونعم الوكيل …. ماما نظرها راح وهى بتعيط عليك انت كل حاجه ليا فى الدنيا ماما حبيبتك.
وتقول أم أخرى ممن ظلمهم قانون الأحوال الشخصية
انا اسمى عزة عبد الرزاق عيد …..و دول أولادى بقالى اكتر من 10 شهور معرفش عنهم حاجة طليقى خدهم منى بعد 13 سنة خدهم من حضنى بعد العمر دا كله انا بمووووت على أولادى فى كل لحظة وفى كل وقت ومش عارفة أعمل إيه معايا أحكام من شهر 8 ولغاية دلوقتى مش عارفة انفذها علشان طليقى بيتحامى في سلطات وظيفته …هو بيشتغل سكرتير نيابة ادارية وللأسف الشديد اللى معه في الشغل من مستشارين وأعضاء نيابة محترمين بيساعدوه انه يحرم ام من اولادها بتموت كل لحظة عليهم من تنفيذ الأحكام غير طبعا سمعتى اللى شوهها بين الناس وقدام اولادى أقسم بالله العظيم انا مش فارق معايا اى حد او اى حاجة غير اولادى هفضل وراهم لغاية لما اخدهم ان شاء الله حتى لو فيها موتى اولادى هم حياتى
انا مريم داود بديع …. بنتي فيلومينا سنه ونص طفله رضيعه جه جوزي وباباه ومامته وقالوا هنجيب لعب للبنت وماما كانت قاعده بيها وانا في مدرستي خطفوها غدر وسافروا بيها هما من القاهره طفله رضيعه تسافر بعيد عن حضن امها ايه القسوه اللي بقينا فيها انا بموت كل ثانيه اتعذبت علشان احمل سنتين ونص وتعبت في حملها وكنت بموت وجتلي فيلومينا ولما بقيت سنه ونص خطفوها وجريوا وياريت عارفه مكانها فين هربانيين من البيت كلام من ام قلبها بيتحرق علي بنتها من 21/2/2017 جم خطفوها وحرقوا قلبي عليها 5 شهور معرفش عنها ….ساعدوني اوصل لبنتي دي صور اهل ابو فيلومينا اللي خطفوها مني
وتقول .. ساميه محمد ابني اسمه كريم عطيه رافت مقيم 3ش عبدالسلام مبروك ارض الشركه الشرابيه مدرسته عبد المنعم رياض الابتدائية كريم نزل رابع يوم العيد 10/2013 مكنش راضي ينرل قلت له حرام بابا جاي عشان يعيد عليك انزل وكان قلبه حاسس وبيعيط وكنت متفقه مع خالته لما يمشي ابوه يتصلوت عليا انزل باباه عمل نفسه مشي ورجع نده عليه وخطفه وسته كتمت فمه بفوطه وحطوه في العربيه شفت كريم مرتين خلال الاربع سنين وسمعت صوته مرتين قالي صليت العيد وقلت يارب اروح لماما المشكلة ان في امين شرطه في القسم بيبلغه قبل نزول الحمله ودي صورة كريم