موقع وشبكة دمياط آخر ساعة الإخبارية مصداقية حيادية موضوعية
قدمتها لكم ✍🏻 حبيبة ياسين
👈عايزة تسوى اللحوم بسرعة انزلى عليه بمعلقه من السكر وهدى النار
👈عايزة تقورى فلفل حار خايفة من الحرارة تمسك فى إيدك
إمسحى إيدك بالزيت😍😍
👈لو عايزة تقورى بتنجان وخايفة إيدك تسـود إمسحى إيدك بنص ليمونه 👌
👈 وانتى بتحمرى بطاطس عايزاها تطلع شيبسى مافيهاش نقطة زيت اقليها نص قليه وخرجيها تبرد ورجعيها بعد كده تكمل سوى وتقرمش هتطلع خطييره 👌👌
👈لو الطماطم بتاعتك مش حمرا بتسخنى الزيت وتنزلى فيه بمعلقه صغيره بابريكا لمده دقيقه مع التقليب وبعدين انزلي بالطماطم واتفرجي على اللون بقى وممكن معلقه صلصه بدل البابريكا💯
👈لو ريحة قلى الـسمك بتضايقك ضيفى فى الزيت نص ليمونه هتمنع أى ريحة وممكن كمان رشة فانيليا ماتستغربيش بس جربى هتدعيلى 😊
👈لو عايزة البيتزا زى بتاعت المطاعم ضيفى للعجينه لبن بودره وزعتر 😋
👈لو عايزة المخبوزات تبقى طرية غطيها بفوطة مبلولة أول ما تخرج من الفرن أو رشيها ببخاخ ميه وغطيها بسرعه👌
👈لو عايزة صلصة المكرونة بتاعتك تنافس المطاعم اعمليها ببصل بس تشوحيه لحد ما يدبل بس ما يلونش معاكى وضيفى معلقه صغيره سكر وزيها زعتر ريحان بيبقا خطير جدا 👌
لو عاوزه المكرونه البشاميل تبقى جوسى يبقى تعملى البشاميل خفيف جدا من البدايه يبقا قوامه شبه الكيك الخفيف👍
👈البشاميل علي البارد بيبقى تحفه ومقداره خمس معالق دقيق للتر اللبن ومعلقه واحده زبده
👌الزبادى اساسي فى تتبيلات الفراخ علشان بيطريها وبيخليها تستوى كويس 🤙
👈لما المحشى يستوى وتحمرى الفراخ خودى مـلعقتين من السمنه بتاعة تحمير الفراخ وحطيها عليه ودوقى بقى
👈الوش بتاع الرز المعمر بييجي من القشطه البلدي ولو مش موجوده استخدمي زبادي ولازم النار تكون عاليه في البدايه😋
👈لو البتنجان بيشرب زيت بنقطعه شرايح بالطول ونحطه في مصفاه عليه رشه ملح بينزل كل الميه اللي فيه ونعفره دقيق ويتقلي مابيشربش زيت
👈وعايزة توفير اكتر ومجهود اقل قطعيه شرائح ورصيه فى صينيه جنب بعضه وادهنيه بالزيت خفيف ودخليه الفرن وبعد ما ياخد اللون الحلو اقلبيه على الوش التانى وادهنيه خفيف بالزيت هيطلع معاكي تحفه وبدون زيت كتير وبدون تعب 👌
