موقع وشبكة دمياط آخر ساعة الإخبارية مصداقية حيادية موضوعية
حوار :رحمه اسماعيل
مصر بلد الحضاره تخرج لنا فنانه شابه لها مستقبل واعد .. شقت غبار الزمن لتصل الى اسمى غايات الفن والجمال بلوحاتها المميزة .. ترسم ليس كما يرسم الاخرون فهي تتغزل بلوحتها كما يتغزل العاشق بمعشوقته وتهتم بأدق التفاصيل من اجل اضافة الابداع والجمال والابدية لاعمالها
في بدايه الحوار بنتمني تعرفينا بنفسك ؟
أنا نهي عبد الحليم ابلغ من العمر 17 عام اسكن في حدائق حلوان.
في اي مرحله دراسيه انت وما المدرسه التي تنتمي اليها ؟
داخله اولي جامعه كليه التربيه الفنيه ،مدرستي الزهراء حلوان ثانوي بنات.
كيف تعلمتي الرسم ؟
واناكنت صغيرة كنت برسم اي حاجة قدامي وبعد كده بدات اتفرج علي فيديوهات كتير علي اليوتيوب لتعليم الرسم.
من يقوم بتشجيعك علي الرسم ؟
والدتي هي الي كانت دايما بتشجعني.
ما هي انواع رسوماتك؟
بورتريهات واحيانا برسم مناظر طبيعية.
هل سبق لكي المشاركه في مسابقات من قبل ؟
نعم،شاركت في مسابقه اجمل بورتريه وتم تكريمي 4 مرات.
هل قومتي بعمل معرض لعرض رسوماتك ؟
لا.
هل يوجد اهتمام بيكي من جانب المدرسه ؟
ايوة كانت مدرسة الرسم “هند عبد الرؤف ” كانت دايما بتشجعني وكانت كل ما بتلاقي مسابقات رسم كانت بتقولي عليها وكانت دايما بتاخدني معاها لمعارض رسم.
من هو الاب الروحي لك؟
والدي هو الاب الروحي والداعم ليا.
ما هي نظرتك للمجال الفني ب حلوان ؟
مش واخد حقه تماما ونادر لما تلاقي حد مهتم بالرسم.
ماهو حلمك وهدفك ؟
حلمي ابقا فنانة تشكلية كبيرة وافتح معارض لرسمي والمعارض دي تشارك فيها الدول الاوربية
وجهي كلمه للشباب ؟
احب اقولهم يلتزموا بالصبر والمثابره في الفن خصيصا
واخيرا ماذا تحبي ان توجهي للمسئولين ؟
احب اقولهم ان يبقي في اهتمام شوية بالرسم والفنانين يعني ليه احنا منبقاش زي فرنسا مثلا ليه منبقاش مهتمين بالرسم كده.
