موقع وشبكة دمياط آخر ساعة الإخبارية مصداقية حيادية موضوعية
كتب ✍🏻 محمود فكرى
علقت الشقيقة الكبرى لـ الفنان الراحل أحمد زكي، على رغبة الفنان عمرو سعد، في تجسيد السيرة الذاتية لـ النمر الأسود، في عمل فني.
وقالت شقيقة أحمد زكي في تصريح لها : عمرو سعد ممثل موهوب ومحترم، ولو هيقدم الشخصية بدون إساءة وفيها احترام لـ قيمة وتاريخ أحمد زكي إحنا أول ناس تساعد، المهم يرجعوا لينا في كتابة السيناريو ويكون كل حاجة بموافقة العائلة لأن إحنا اللي لينا الحق نقول إيه اللي يتناولوه وإيه لأ.
وأضافت شقيقة أحمد زكي: إحنا اتعرض علينا كتير أن يتقدم سيرته الذاتية في أعمال ورفضنا، ولكن لو رجعوا لينا في الكتابة وتناولوا سيرته وتاريخه بشكل يليق به يبقى ليه لأ؟
” عمرو سعد يقدم السيرة الذاتية لـ أحمد زكى ” …
وكان الفنان عمرو سعد، كشف عن رغبته في تقديم السيرة الذاتية لـ الراحل أحمد زكي، إذ قال في تصريح له : بفكر جديًا حاليًا في تجسيد السيرة الذاتية للنجم أحمد زكي، عُرض عليا مرتين واعتذرت لأن أول مرة كنت صغير وخوفت وكان لسه عايش.. والمخرج مجدي أحمد علي، عرض عليا وقال إنه عايز يعمل حياته وهو عايش زي ما حصل لممثلين هوليوود، وأن أحمد زكي قال إن فيه وجه جديد ممكن يعمل ده.
وأضاف عمرو سعد: والمرة الثانية كانت بعد وفاته ورفضت الفكرة لأني خوفت ووقتها كنت محتاج أبقى عمرو سعد الأول ويكون ليا أعمال وشخصية عند الجمهور، لأن أستاذ أحمد زكي قيمة كبيرة وتاريخ كبير
