بعيون امي .. للشاعر محمود الدسوقي

بعيون أمي

انا شوفت الكون كله حُنَيّن ..

مع اني مفكرتش ابين ..

انها كوكب تاسع ف الكون ..

بيدور حوالين شمسي ف اكون ..

واحد متونس علطول ..

وان انا اقول ..

انها دعوات ماشيه ف دمي ..

بعيون امي ..

انا شوفت الناس طيبه جدا ووافقت ساعتها اعيش ع الارض وحدها ف الكون تنفع امي ..

وحدها تنفع ف الصلا فرض ..

وانها اول ضحكه لقيتها ..

اول ما لقيتني نزلت هنا ..

مولود بيفتح للدنيا ..

والضحكه ف عين امي غنا ..

ومكنتش لسه ساعتها اعرف ان انا كوم من اسباب الهم ..

وان انا منهم لحم ودم ..

بيجيلهم يخنقهم مني ..

وان انا عيل بردو لكني ..

دلوقت فهمت وهصالحها ..

ف عيون امي بشوفني عاشقها ..

لكني خجول مش بصارحها ..

يمكن علشان مش متعود..

اني ازود حبي إليها ..

يمكن علشان ميت فيها مقدرتش اقول ..

انها نعمه كبيره عليا او خايف ل النعمه تزول ..

وهتوه ف الدنيا ومش هرتاح وهبطل احب الايام ..

بعيون امي مش عارف للمره الكام بدعيلها تكون جمبي سنين ..

بدعيلي اموت قبلها بكتير ..

بعيون امي ..

انا لسه بشوف الدنيا بخير